Sultan Suleman Uwamahoro ahagarariye integuro z’ihiganwa ry’umukobwa mwiza kandi aciye ubwenge Miss Burundi muri uyu mwaka wa 2023, yaraye ashize ahabona amazina 11 y’abakobwa batorewe kuja mu gice ca nyuma c’ihiganwa Miss Burundi.
Muri abo batowe 4 bakaba bava mu ntara ya Bujumbura Mairie, 2 mu ntara ya Kirundo, hamwe n’abandi bava mu ntara za Cibitoke, Bubanza, Gitega, Muramvya na Bururi.
Amazina yabo akaba ari : Ngabirano Belle Ange Edissa, Keza Blandine, Ishimwe Netty Louange, Kezimana Mélissa, Barungura Lyne Chella, Irakoze Erica Aimé Carolle, Uwera Ricky Tricia, Kenguruka Clara, Igiraneza Ange Charlène, Mugisha Elsie Amandine na Ndayizeye Lellie Carelle.
Muri uyu mwaka, ibihembo bikaba vyariyongereye ugereranije mu myaka iheze.
Sultan Suleman Uwamahoro amenyesha ko uwa mbere azotahukana ihiganwa Miss Burundi azoronka imodoka yo mu bwoko bwa Ractis (Nouveau modele), ama litiro 450 y’igitoro ku mwaka, umushahara w’amafaranga 500.000 ku mwaka, ubwishingizi bw’imodoka (assurance automobile), amahera yo gukoresha imodoka, kumurihira amahera y’ishure mu kiringo c’umwaka wose.
Uwa kabiri (1ère dauphine) nawe akaba azoronswa agashimwe k’imiriyoni 2,5 BIF hamwe no kumurihira amahera y’ishure umwaka wose hama uwa gatatu (2ème dauphine) nawe akazoronka imiriyoni 2 yongere arihirwe amahera y’ishure. Ku kijanaye na Miss Popularity, nawe nyene agashimwe kiwe kazoba kangana n’umuriyoni n’inusu (1,500,000BIF) nawe nyene yongere arihirwe amashuke mu kiringo c’umwaka wose.
