Kuri uyu wa mbere tariki ya 11 Nzeri 2023, Igipolisi muri Tanzania cyataye muri yombi Tundu Lissu umukuru mu batavuga rumwe n’ubutegetsi hamwe n’abandi batatu bashinjwa gukora ikoraniro ry’abantu benshi nta burenganzira bafite hamwe no kubuza abapolisi gukora inshingano zabo.
Nyuma yo gufungwa ku cyumweru baje kurekurwa batanze ingwate.
Lissu, wiyamamarije gutegeka Tanzania mu 2020, yafatiwe mu mujyi wo mu majyaruguru wa Karatu, amasaha macye mbere yo kujya mu ikoraniro hafi y’icyanya cy’ibidukikije cya Ngorongoro.
Kuwa gatandatu, abashyigikiye Lissu bafunze umuhanda werekeza mu gace ka Ngorongoro bavuga ko abategetsi nabo bababujije kugerayo.
📰 Also Read This:
Lissu yari yashinje igipolisi kumwangira we n’abamushyigikiye kugera aho bari bateguye gukorera amakoraniro manini yo gushyigikira imiryango y’aba-Maasai bamagana kubirukana ku ngufu ku butaka bwa gakondo bwabo.
Polisi yasohoye itangazo ivuga ko Lissu, abandi bategetsi babiri mu ishyaka rye hamwe n’ushinwe kumurinda bwite barimo guhatwa ibibazo. Nyuma baje kurekurwa batanze ingwate.
Lissu, umwe mu bakuru b’ishyaka ’Chama cha Demokrasia na Maendeleo’ (CHADEMA), mu 2020 yabaye uwa kabiri mu matora inyuma y’uwari Perezida John Pombe Magufuli
Uyu munyapolitiki mu 2017 yarashwe inshuro nyinshi n’abagabo bitwaje intwaro ari hafi y’urugo rwe mu murwa mukuru Dodoma.
Byasabye ko abagwa kwa muganga muri Kenya no mu Bubiligi inshuro zirenga 20 kugira ngo akire, mu 2020 yagarutse muri Tanzania guhatana na Magufuli mu matora.
Uyu munyamategeko w’imyaka 55, mu 2010 yabanje kuba depite uhagarariye CHADEMA mu karere kari hafi y’aho yavukiye i Singida, ku ntera ya kilometero 320 mu majyaruguru ashyira uburengerazuba bwa Dodoma.
Yahise yamamara nk’umuntu utaripfana kandi unenga bikomeye leta, aza no kuba unenga bikomeye Perezida John Magufuli nyuma yuko atowe mu 2015. Ubu nabwo anenga cyane politike ya Perezida Samia Suluhu Hassan.
Inshuro nyinshi ku butegetsi bwabanjirije ubwa Samia yagiye afungwa aregwa ibyaha bitandukanye, birimo nko kwangisha rubanda ubutegetsi buriho cyangwa guteza imyivumbagatanyo.
