Shakib Lutaaya, umugabo wa Zari Hassan uzwi cyane mu bucuruzi no ku mbuga nkoranyambaga, yatangaje ko we n’umugore we bahisemo kudakurikirana ibikorwa bya buri wese ku mbuga nkoranyambaga, mu rwego rwo kurinda amahoro no gutuma urugo rwabo ruguma rutuje.
Mu kiganiro yagiranye n’umunyamakuru wa YouTube, Shakib yasobanuye ko iki cyemezo cyafashwe hashingiwe ku gusobanukirwa ubuzima Zari abayemo nk’umuntu uzwi cyane kandi ukora mu ruhando rurebwa n’abantu benshi. Yavuze ko Zari akunze gutanga ibitekerezo ku ngingo zitandukanye, bigatuma abona ko atari ngombwa guhora akurikirana buri jambo cyangwa buri kintu ashyira ku mbuga nkoranyambaga.
Ati: “Zari ni umuntu uzwi cyane, avuga byinshi ku buzima n’ibibera hirya no hino. Iyo avuze akibeshya gato, ni ibisanzwe kuko na we ni umuntu. Icy’ingenzi ni ukumva uko ubuzima bwe bumeze.”
📰 Also Read This:
Shakib yavuze ko gukurikirana buri jambo umugore we avuga byamutera kwishora mu mpaka n’ukutumvikana kudafite ishingiro. Yongeyeho ko hari amagambo ashobora gufatwa nabi kandi atamureba na gato, ari na yo mpamvu ahitamo kutivanga mu bintu atarebwa na byo.
Mu rwego rwo kwirinda izo mpaka zose, Shakib yatangaje ko yafashe icyemezo cyo kutareba na gato ibiri ku mbuga nkoranyambaga za Zari. Yavuze ko n’iyo hari abantu bamwoherereza ubutumwa burimo amashusho cyangwa amagambo atifuza kubona, ahita abusiba atazuyaje.
Ati: “Kugira amahoro bisaba kwirinda ibintu byinshi. Guhagarika, gusiba no kutareba ubutumwa ni byo bizana ituze.”
Shakib yanongeyeho ko n’umugore we yubahiriza iyo gahunda, kuko na we atajya akurikirana ibyo ashyira ku mbuga nkoranyambaga ze zirimo Snapchat. Ku bwe, iyo myitwarire igira uruhare runini mu gutuma urugo rwabo ruguma mu mahoro, mu bwumvikane no mu kwizerana.
