Pastor Kuria, uzwi nka ManKush, yafashe umwanya agira icyo avuga ku buryo yabaye umukire ashingiye ku butumwa bw’Imana. Mu kiganiro yagiranye n’uruhererekane rw’ibiganiro bikunzwe muri Kenya, yavuze ko itorero atari gusa ahantu h’amasengesho, ahubwo rikaba n’ahantu hatanga uburyo bwo kubaho. Uyu murimo amaze kuwukora imyaka igera ku 35.
Kuria yavuze ko muri Kenya afite amatorero 52 manini, naho i Nairobi afite 8 muri yo, harimo n’itorero yigishamo riherereye muri Bluespring Hotel.
Yagize ati:”Buri cyumweru nizeye neza amafaranga ibihumbi 200 bya Shilingi za Kenya ava mu mibereho y’abizera. Ariko ntibivuze ko mbika ayo mafaranga gusa; kenshi nyagabanya ku bana b’abakene no gushyigikira abatishoboye mu muryango.”
Pastor Kuria yongeraho ko atifuza gukusanya ubutunzi, ahubwo intego ye nyamukuru ari ugusubiza umuryango ibyo Imana imuha.
