Umunyamabanga nshingwabikorwa w’Umurenge wa Kibilizi mu karere ka Gisagara , Umumararungu Solange ,yitabye Imana.
Amakuru ya UMUSEKE avuga ko yitabye Imana ku gicamunsi cyo kuri uyu wa Kane tariki ya 12 Ukwakira 2023.
Abasanzwe bakorana na nyakwigendera mu karere ka Gisagara babwiye kiriya gitangazamakuru ko yari amaze icyumweru arwaye nyuma yo gukora impanuka ari mu bwogero (douche).
Umwe muri bo yagize ati “Twagize ibyago mugenzi wacu yitabye Imana azize impanuka yo muri douche”
📰 Also Read This:
Gitifu Umumararungu amakuru avuga ko yaguye mu bwogero ahita ajyanwa mu Bitaro byitiriwe Umwami Faisal mu mujyi wa Kigali ari naho yaguye.
Abakoranye nawe bavuga ko yari amaze iminsi ari muri koma kandi ko mu burwayi bwe atigeze yoroherwa.
Nyakwigendera yari umubyeyi w’abana batatu .
Mbere yuko ayobora Umurenge wa Kibilizi yabanje kuyobora uwa Ndora, akaba ari nawe mugore rukumbi wayoboraga mu Mirenge igize akarere ka Gisagara.
