Umukuru w’igihugu cya Repubulika Iharanira Demokarasi ya Congo (RDC), Félix Tshisekedi, yatangaje ko u Rwanda ruri gukora “igitero cy’ubutabazi ku butaka bwa Congo,” nyuma y’uko AFC/M23 itangaje ko yafashe umujyi wa Uvira, umwe mu mijyi y’ingenzi yo mu burasirazuba bw’igihugu.
Uvira ni wo mujyi munini wari usigaye utagenzurwa na AFC/M23 mu Burasirazuba bwa Congo. Kiwutakaza ku ruhande rwa Leta ya RDC byahinduye ishusho y’intambara imaze imyaka myinshi ihitana ubuzima bw’abaturage no kubatesha ibyabo.
Mu butumwa bwashyizwe ku mbuga X n’Ibiro bya Perezida, Tshisekedi yavuze ko iterabwoba rya AFC/M23 ari “ihonyora ry’amasezerano ya Washington” aherutse gushyirwaho umukono na we hamwe na Perezida Paul Kagame, ku bufasha bwa Perezida wa Amerika, Donald Trump.
Ni mu gihe Perezida Kagame, mu ijambo rye yavuze ko u Rwanda “rwemeye amasezerano ku bushake” ndetse ruzayubahiriza, ariko yongeraho ko “intambara zari zatangiye mbere y’uko amasezerano asinywa.”
📰 Also Read This:
RDC ishinja u Rwanda kohereza abasirikare, intwaro n’ubundi bifasha bwa gisirikare mu gufasha M23, ibyo u Rwanda ruhakana rukivugira ko nta bufasha na bumwe rugenera M23, ahubwo rukavuga ko ruri mu “kurinda umutekano warwo.”
Na none, u Rwanda hamwe n’inzobere za LONI bashinja RDC gukorana n’abarwanyi ba FDLR, ikibazo RDC ihakana ivuga ko nta mugambi wo kubashyigikira ifite.
Umunyamabanga Mukuru wa ONU, António Guterres, yavuze ko “ahangayikishijwe cyane” n’izamuka ry’urugomo mu Ntara ya Sud-Kivu. Yasabye ihagarikwa ryihutirwa ry’imirwano, anongeraho ko LONI yiteguye gutanga ubutabazi no gukomeza ubuvugizi bw’amahoro.
Ibi bikurikiye mu itangazo ry’ibihugu birimo Amerika, Uburayi n’Ubwongereza, byamaganye “igisubizo cya M23 gishyigikiwe na Rwanda hafi ya Uvira,” bikemeza ko bishobora guhungabanya akarere kose.
Nyuma y’ifatwa rya Uvira, AFC/M23 yatangaje ko igamije “kurinda abaturage basize iminsi irenga 90 bahura n’ubugizi bwa nabi bwa FARDC n’abafatanyabikorwa bayo.” Yasabye abaturage gutaha, ibizeza umutekano.
Ariko Leta ya Congo yo ivuga ko izi “ni ubushotoranyi buhoraho.”
Uko bwije n’uko bucye, ibice binini bya Kivu y’amajyaruguru na Kivu y’amajyepfo bigenda bijya mu maboko ya AFC/M23. Uyu mutwe wamaze igihe ufite Goma na Bukavu, hamwe n’uturere twinshi tumukikije.
Uko imirwano ikara ni ko abaturage bahunga ku bwinshi. Raporo ya OCHA ivuga ko abarenga ibihumbi 500 bamaze kwimuka mu gihe kitarenga icyumweru kimwe, bamwe berekeza mu bihugu bihana imbibi, abandi bajya mu tundi duce twa Congo.
Umuryango mpuzamahanga ukomeje gutabaza uvuga ko ako karere gashobora kwinjira muri kimwe mu bihe bikomeye mu myaka 30 ishize.
