’Infections vaginales’ zirangwa n’iki?
Ikimenyetso nyamukuru kiranga iyi ndwara ni ururenda rudasanzwe ruturuka mu gitsina cy’umugore. Bitewe ubwoko bw’udukoko twateye ubwo burwayi, urwo rurenda rushobora kugira amabara atandukanye, nkaho ushobora kubona ari umweru, umuhondo,….
Mu bindi bimenyetso twavugamo:
– Kugira uburyaryate mu gitsina
– Ububabare bukabije
– Kumva wokerwa mu gitsina
– Ububabare mu gihe cy’imibonano mpuzabitsina
– Kujya kunyara ukababara
– Kubyimba kwa bimwe mu bice by’imyanya ndangagitsina by’inyuma
📰 Also Read This:
Ese iyi ndwara isuzumwa ite?
Muganga w’inzobere mu kuvura indwara zifata imyanya ndangagitsina niwe usuzuma iyi ndwara, aho afata rwa rurenda akarupima kugira ngo arebe impamvu yabiteye.
Ese ubu uburwayi buravurwa ?
Yego iravurwa igakira. Ni byiza ko iyo ubonye bimwe muri bya bimenyetso twabonye haruguru, ugomba kwihutira kujya kwa muganga, bakareba impamvu yabiteye, ubundi bakakuvura. Si byiza kwivurisha imiti iyo ariyo yose mu gihe utagiye kwa muganga ngo barebe impamvu igutera ubu burwayi ndetse banakwandikire imiti yabugenewe.
Inama abagore n’abakobwa bagirwa n’abahanga mu by’ubuzima
– Gukaraba inshuro 1 cyangwa 2 ku munsi
– Kwirinda gukoresha isabune bakaraba mu gitsina
– Kumutsa igitsina nyuma yo kwiyuhagira (Bien sécher la vulve après chaque toilette)
– Kudakomeza kwambara imyambaro y’imbere igihe yatose.
– Gukoresha agakingirizo iteka igihe umukobwa cyangwa umugore agirana imibonano mpuzabitsina n’abantu batandukanye.
– Mu gihe cy’imihango, umugore cyangwa umukobwa, aba agomba guhindura kenshi ibikoresho akoresha byo kwisukura.
– Mu gihe avuye mu bwiherero, umugore cyangwa umukobwa asabwa kwihanagura aganisha inyuma kugira ngo umwanda utava mu kibuno ujya mu gitsina (Aux toilettes, s’essuyer d’avant en arrière pour éviter de ramener les germes de l’anus vers le vagin).
– Kwirinda imyambaro ifatira cyane.
– Kwanika imyenda y’imbere ahantu hava izuba ndetse ikanaterwa ipasi.
Hari abagore cyangwa abakobwa bakunda gukomeza kugaragaza ibimenyetso by’iyi ndwara mu byumweru bike nyuma yo kunywa imiti yo kwa muganga maze bakibaza icyo bakora ngo bakire burundu .
Wihangayika ukundi hari ubundi buryo bwizewe kandi butagusaba ibyamirenge kandi butagoye wakwikorera wibereye iwawe .
Jya unywa amazi menshi buri munsi nibura litiro ebyiri kumunsi ibi bizagufasha gukira iyi ndwara yazahaje igitsina gore .Uko unywa amazi niko ushaka kujya kubwiherero maze uko iyi myanda isohotse niko biguha ubudahangarwa bwo kwa ndura iyi ndwara yibasira imyanya y’ibanga .
Niba wari warabuze umuti cyangwa wirirwa kwa muganga nyuma y’amazi asaga kuri atatu ntibikiri ngombwa rwose gerageza ubu buryo uzambwira itandukaniro.
