Mu mujyi wa Goma ufatwa nk’umurwa mukuru wa Kivu ya ruguru hateguwe imyigaragambyo karundura yo kwamagana icyemezo leta yafashe cyo guharika moto zikorera muri uyu mujyi gukora nyuma ya saakumi n’ebyiri.
Ni imyigaragambyo yateguwe n’Ishirahamwe riharanira impinduka muri Repubulika Iharanira ya Demokarasi ya Congo, LUCHA.
Ishirahamwe rya LUCHA, rikaba rya menyesheje ubuyobozi bwose mu Ntara ya Kivu ya ruguru ko bakorae imyigaragambyo maze basaba urubyiruko kwitabira ku bwinshi kandi bavuga ko iyo myigaragabyo iza kubera kuri Rond Point, mu mujyi rwagati.
Byavuzwe ko imyigaragambyo yateguwe ku munsi w’ejo hashize tariki ya 23/01/2024, ikaba igomba kuba uyu munsi ku wa Gatatu, tariki ya 24/01/2024 ikaza kubera mu mujyi wa Goma.
Amakuru y’iyi myigaragambyo aboneka mu itangazo ryagiye hanze mu masaha y’iri joro rishyira kuri uyu wa Gatatu, rikaba ryashyizwe hanze n’ishirahamwe rya LUCHA ryageneye itangazamakuru,
Iri tangazo rivuga ko icyemezo ubutegetsi bw’intara ya Kivu ya ruguru yafashe cyo guhagarika abamotari gukora nyuma ya saa kumi n’ebyiri kibangamiye uburenganzira bwabo.
Rikomeza rivuga ko nyuma yuko bahagaritse abamotari gukora nyuma y’ariya masaha, bitabujije ko umutekano ukomeza kuba mubi ku bagenzi.
Ishyirahamwe rya LUCHA rikomeza risaba ko guverinoma ya Repubulika Iharanira Demokarasi ya Congo yareka abamotari bo muri uyu mujyi bagakomeza gukora na nyuma y’ariya masaha kandi abashinzwe umutekano bagakomeza kurinda umutekano w’Abaturage nkuko bisanzwe biri mu nshingano za bo.
Icyemezo cyo gufungira abamotari gukora nyuma ya saa kumi n’ebyiri cyafashwe mu Ukuboza k’umwaka ushize wa 2023 gifashwe na Polisi n’Igisirikare bya Repubulika ya Demokarasi ya Congo, muri iyi ntara ya Kivu ya ruguru.
Nyuma y’uko abashinzwe umutekano bafashe iki cyemezo Meya w’umujyi wa Goma, yarabyamaganye avuga ko bibangamiye imiryango itandukanye y’abamotari kuko akazi bakora ariko kabatunze.
Gusa abashinzwe umutekano bari bafashe kiriya cyemezo mugihe imfu zari zakomeje kuba nyinshi muri uyu mujyi, aho aba motari bari bakomeje kwicwa barashwe n’abitwaje intwaro, bikaba binakekwa ko bicwaga na Wazalendo, ihuriro ry’imitwe isanzwe izwiho gukorana bya hafi n’i ngabo za Leta ya RDC.
