Mu gihe ibibazo by’umutekano muke, ubwicanyi n’itotezwa bikomeje kuvugwa mu burasirazuba bwa Repubulika Iharanira Demokarasi ya Congo, hagiye hashyirwaho uburyo butandukanye bwo gukomeza ijwi ry’abaturage no kubaha icyizere cy’ejo hazaza. Muri urwo rwego, CEO Officer Jean de Dieu, binyuze muri Mulenge Record Musics, yashyize hanze album nshya yiswe Greatest Hits 2026, igamije gukomeza morale no gutanga ubutumwa bwo kudacika intege ku Banyamulenge n’abandi bari hirya no hino ku Isi.
Iyi album igizwe n’indirimbo 21 zifite ubutumwa butandukanye burimo ubutwari, kwigirira icyizere, gukunda iwabo, ubumwe n’uburenganzira bwo kubaho mu mahoro. Ni umushinga w’umuziki ugamije gukoresha impano n’injyana zitandukanye mu kongerera imbaraga imitima y’abari mu bihe bikomeye.
Mu ndirimbo zigize Greatest Hits 2026, harimo izifite amazina nka Point Zero Revolution, Courage of Kivu Warriors, Freedom of Mulenge Nation, Save Mulenge Cry, Songa Mbele Journey ndetse na General Sematama Victory. Izi ndirimbo zose zigaragaza ubutumwa bwo gukomeza urugendo, kudacika intege no kwizera intsinzi.
Mulenge Record Musics ni studio yashinzwe na CEO Officer Jean de Dieu, uzwi nk’Ambasaderi w’Amahoro w’Abanyamulenge muri Australia, ku bufatanye na Afrovera Media Agency. Abateguye uyu mushinga bavuga ko umuziki ushobora kuba intwaro ikomeye mu gutanga ubutumwa, guhuza abantu no kongera icyizere ku baturage bari mu bihe bikomeye.
Bavuze ko iyi album ari intangiriro y’ibikorwa byinshi biteganyijwe muri uyu mwaka wa 2026, birimo gusohora amashusho y’indirimbo, concerts zo kuri internet ndetse no gukomeza gukorana n’abandi bahanzi bafite ubutumwa bwo kubaka amahoro n’ubumwe.
Abakunzi b’umuziki basabwe gusura urubuga rwa YouTube rwa Mulenge Record Musics, bakumva iyi album nshya, bagasubscribe ndetse bakayisangiza abandi.
Mu butumwa bwabo, abateguye uyu mushinga bagize bati: “Twifuza ko umuziki uba ijwi ry’abatagira kivugira, ukaba urumuri rw’icyizere ku bantu bacu bari mu bihe bikomeye.”
Komeza gukurikirana Afrovera.com ku makuru agezweho mu muziki, imyidagaduro n’ibikorwa bishya by’abahanzi bacu bari hirya no hino ku Isi.
