Kuri uyu wa Gatatu, tariki ya 07 Gashyantare 2024, abakinnyi b’ikipe y’igihugu ya Repubulika ya Demokarasi ya Congo, iraza gukina umukino wa kimwe cya kabiri mu gikombe cya Afurika yambaye agatambaro kirabura ku kuboko kwabo kw’iburyo.
Biteganijwe ko iyi kipe yinjira mu kibuga ku isaha ya saa yine z’ijoro ku masaha yo mu Burasirazuba bwa Repubulika Iharanira Demokarasi ya Congo, aho igomba gucakirana n’ikipe y’igihugu cya Côte d’Ivoire.
Ubuyobozi bw’ikipe ya Congo, bwatanze ubusobanuro ku mpamvu bazambara agatambaro kirabura, bavuga ko ako gatambaro gasobanura ko kuva perezida Félix Tshisekedi yakegukana umwanya wo kuyobora igihugu impfu zabaye ninshi muri RDC nkuko inkuru yatangajwe n’urubuga rw’imikono rwa Star news ibivuga.
Kwambara agatambaro kirabura kuri iriya kipe biri mu buryo bwo kwibuka abanye-Congo bapfuye, ndetse ko bazaba bari kwibuka ubwicanyi bwa korewe Abasivile bo mu Burasirazuba bw’igihugu cya Repubulika ya demokarasi ya Congo bikozwe n’ubutegetsi bwa Perezida Tshisekedi.
Umuyobozi w’ikipe ya RDC yagize ati: “Agatambaro kirabura tuzakambara mu rwego rwo kwibuka no kuzirikana ubwicanyi bukorerwa abasivile ahanini mu Burasirazuba bwa Repubulika Iharanira Demokarasi ya Congo, kuva perezida Félix Tshisekedi yagera ku ngoma impfu zabaye ninshi.”
