Umuherwe wa mbere mu Bwongereza, Sir Jim Ratcliffe uheruka kugura imigabane ingana na 25% mu ikipe ya Manchester United, yatangaje ko mu makipe atatu ahataniye Premier League yakwifuza ko Arsenal ariyo yayitwara.
Yavuze ko nubwo Arsenal, Liverpool na Manhester City yose ari amakipe y’abanzi ariko kuri we yakwifuza ko Arteta yatwara shampiyona kubera akazi amaze gukora mu ikipe.
Uyu mugabo wakuze akunda ikipe ya Manchester United, yavuze ko yifuza kugarura iyi kipe mu makipe atwara ibikombe nyuma y’imyaka myinshi yitwara nabi.
Uyu nyiri kompanyi ya Ineos CEO yanavugiye kuri Geraint Thomas Cycling Club podcast, umukinnyi w’ibihe byose wa Manchester United.
Ati: “Umukinnyi mwiza kurusha abandi bose wakiniye United?. Ndakeka ari Ronaldo. Natekereza kuri Cristiano Ronaldo.”
Yahise yongeraho ati: “George Best, ndatekereza ko ariwe mukinnyi wari ufite impano karemano mu bo nabonye bose mu mupira w’amaguru.
Abajijwe umukinnyi yakongera muri Manchester United y’ubu mu bayihozemo, Ratcliffe yagize ati :”Paul Scholes niwe nazana.”
Yavuze ko Manchester United ifite abakinnyi bagerageza mu kibuga hagati nka Casemiro na [Kobbie] Mainoo ariko batari ku rwego rwa Scholes.
