Mu misozi miremire ya Bijombo, aho umuyaga uhora uhuha uzunguza ibyatsi n’imitima y’abaturage, hari inkuru idasanzwe imaze igihe ivugwa mu matamatama ariko ikagenda igira imbaraga: iy’ukuntu umutwe wa MRDP–Twirwaneho wabaye nk’inkingi y’icyizere ku Banyamulenge bahatuye.
Aka gace ka Uvira, mu Kivu y’Amajyepfo, kamaze imyaka myinshi karangwa n’umutekano muke utarangira. Abaturage baho bavuga ko ubuzima bwabo bwahindutse urugamba rwa buri munsi ntibakibaho bisanzwe, ahubwo babaho bashakisha uko barokoka. Ibi bishingira ku bitero bavuga ko bagabwaho n’ingabo za Leta ya Congo zifatanyije n’imitwe itandukanye yitwaje intwaro, irimo Wazalendo, FDLR, P5, Gumino, Imbonerakure ndetse n’ingabo z’u Burundi.
Serivisi za Digital za Afrovera
Dufasha business n’imishinga kugaragara online bin yuze muri serivisi za digital zinoze kandi ku giciro gito cyane.
- ✔ Gukora Website za business & companies
- ✔ Posters & Graphic Design
- ✔ Website Hosting & Domain
- ✔ Gufungura YouTube Channels za business
Ibyo bitero bivugwa ko byasize ibikomere bikomeye: imiryango yatatanye, amazu n’amavuriro birasenywa, imitungo iranyagwa, abaturage bahunga amanywa n’ijoro. Hari n’abavuga ko aho kuvurwa, abarwayi basigaye bahungana uburwayi bwabo, nyuma y’uko n’amavuriro asenywe.
Ariko muri ayo makuba yose, hagiye havugwa izina rimwe kenshi MRDP–Twirwaneho.
Mu duce nka Mitamba, Gongwa na Murambya, hamaze igihe habera imirwano ikaze hagati y’uyu mutwe n’ingabo za Leta zifatanyije n’indi mitwe. Nubwo imirwano ikomeza gusenya byinshi, abaturage bamwe bavuga ko hari icyo uyu mutwe wahinduye: “ntitwacitse burundu.”
Mu cyumweru gishize, inkuru zakomeje gukwirakwira zivuga ibitero bikomeye byagabwe ku Banyamulenge muri utu duce. Ababibonye bavuga ko MRDP–Twirwaneho yahagobotse, igahangana n’abagabye ibitero, kugeza ubwo bamwe bahunze berekeza i Uvira no mu Burundi.
Ni aha haturuka iryo zina rikomeye: “umucunguzi.” Si izina ryaturutse ku mvugo ya politiki cyangwa amatangazo, ahubwo ni iryavutse mu mitima y’abaturage bavuga ko babonye hari ubahagarariye mu gihe nta wundi ubavugira.
Nubwo bimeze gutyo, ubuzima muri Bijombo bukomeje kuba ingorabahizi. Imirwano iracyahungabanya ituze, abaturage baracyimurwa, ibikorwa by’iterambere birahagaze. Abaharanira uburenganzira bwa muntu bakomeje gusaba ko hakorwa iperereza ryigenga ku byaha bivugwa impande zose, cyane cyane ku ngaruka ziri ku basivili.
Ariko hari ukuri benshi bemeranyaho: intwaro zonyine ntizizatanga igisubizo kirambye.
Abasesenguzi n’abaturage bemeza ko amahoro arambye azava mu biganiro byimbitse, byitabirwa n’impande zose zirimo Leta ya Congo, abahagarariye abaturage, n’imitwe yitwaje intwaro ifite uruhare muri aya makimbirane.
Mu gihe ibyo biganiro bigitegerejwe, mu misozi ya Bijombo haracyumvikana ijwi rimwe rihuriweho: iry’abaturage basaba kubaho mu mahoro, kurindwa, no kongera kubona ubuzima busanzwe.
Kandi hagati y’amasasu n’amarira, izina rya MRDP–Twirwaneho rikomeje kuvugwa nk’ikimenyetso cy’icyizerecyangwa ku bandi, nk’impaka igikomejeku hazaza h’aka gace kugarijwe n’amateka atoroshye.
